БИР ҚИЗ. БИР ЙИГИТ.

Ҳар ким ёшлигини ҳар хил эслайди. Қизиғи шундаки ҳеч ким, ҳатто у энг ёмон бўлса ҳам ёшлигидан ширин хотираси бўлади.

Шу хотиралар ичида, ажойиб бир давр камчиликка насиб этган онлар бор. Бу шубҳасиз талабаликдир. “Олтин давр”.

Дарҳақиқат...

Мен ёзувчи эмасман, афсус! Агар ёзувчи бўлганимдами эди....

Энг машҳур ёзувчилардан бўлардим, асарларим миллионлаб нусхада чоп этилармиди. Замонасининг энг машҳур ёзувчилари менга ҳавас билан қарашарди. (Сабаб нима дейсизми?)

Мен фақат талабалик ҳақида ёзардим. Талабалигимнинг ҳар бир кунида битта ажойиб асарга арзидийган хотираларим бор!

Ёзилмаган китобдан парча.

1. Қиз

… Ташқарида оппоқ гилам ёзилган. Осмон яхши инсонлар қадамларига биллур парчаларини сепишдан чарчамаяпти. Эшикдан киришингиз билан ҳозирги дунёингиздан аллақачон ўзиб кета олган “Талабалик кошонаси” рўбарў келасиз. Хоналар талабалар билан банд. Биз бўлажак алкимёгарлар эса ўзимиз билан ўзимиз оворамиз.

Ҳали дарс бошланмаган бўлсада, ҳеч ким дарс ҳақида ўйламаяпти. (Ҳамма билим даъвогарлари каби)

Курсдош қизларимизнинг бир қисми мода оламининг сўнги янгиликларини муҳокамаси билан бўлишса, бир қисми бўлиб ўтган дугоналарининг тўйларини камчиликларини санашяпти.

Йигитлар ҳам ўзига яраша муаммолар билан банд.

  Дарсларимиз одатдагидай бошанди… ми? Йўқ бошқачароқ ўтди.

         Дарс бошланганда декан кириб келди. Эрталабдан кайфияти яхшимиди ёки азонлаб шакар гуфторлик қилгандир ҳарқалай ноодатий тарзда гапини яхши муомала, ҳазил аралаш яхши гаплардан бошлади (менимча биринчи марта).

         Устозимизнинг гапларига қараганда бизни гуруҳга янги қиз қўшилипти. Исми Фарида. Дўст ўртоқ бўлиб, аҳиллик билан сафимизга қўшишимиз керак экан. Фаридага кўзқулоқ бўлишни қариямизга (староста) тайинлангача биз дарсимизда давом этдик.

         Фарида. Баланд бўйли оддий лекин жудаям сипо кийинган, кўзлари чиройли, кўзлари маюс қиз.

         Кинолардагидай ҳеч ким  уни бир кўришда севиб қолганича йўқ. Ҳеч қандай ноодатий воқеалар ҳам содир бўлганича йўқ.

         Баъзида бу қизга йигитлар тугул баъзида қизлар ҳам юрак ютиб гапиришолмасди.

         Мен ҳам бу қиз ҳақида умуман ўйламасам керак деб ўйлардим.

Бугунга келиб мардлик қилиб айтадиган бўлсам… Фарида ҳақида керагидан кўпроқ ўйлаган эканман. (Бир неча шеърларимни шу қизга аталган аслида)

Кунлар ўтди, ой бўлди,

Сувлар оқди сой бўлди.

Кўзларидан оққан ёш,

Ёмғир бўлди, лой бўлди.

Муҳаббатнинг касридан,

Юрагимнинг тафтидан,

Яхшиларнинг дастидан,

Менинг ҳолим вой бўлди.

Синфга бир қиз келди,

Кўзлари юлдуз келди.

Севишимни билмаган,

Юраклари муз келди.

Севаман деб айтмадим,

Аммо ундан қайтмадим.

Рости дўстлар дарсларга,

Фақат у деб қатнардим.

Кунлар ойлар, бўп кетди.

Сувлар сойлар, бўп кетди.

Суйишимни билмасдан,

Пари тўйлар бўп кетди.

Ўқиш унда қоб кетди,

Ҳаёт бунда қоб кетди,

Эсдалик деб юрагим,

Диплом қилиб об кетди.

1. 2.     Йигит

Одам бор жойга одам келади дейишади.

Яхшиларга талпингин уларни сафига қўшилгин деган гапларам борку тўғрими?

         2 курсни яримлаш арафасида биз яхшиларнинг сафимиз яна биттага кўпайдиган бўлди.

         Тошканди азимнинг нони қаттиқлик қилганми, гуллар шаҳрини ҳавас қилганиданми яна бир йигит энди биз билан умргузаронлик қиладиган бўлди ҳарқалай.

         Бу таништурув ҳам ноодатий бўлди. Декан бир кун олдин кириб бу ҳақида одатий “ур-сур”лардан кейин тайинлаб чиқиб кетди.

         Ростини айтадиган бўлсам эртаси куни эрталаб кечаги гап хаёлимиздан кўтарилиб ҳам кетган экан.

         Фақат...

Дарс бошланишиги озгина қолганида бир йигит эшикдан кириб  келди. Негадир ҳамма шу йигитга кўз тиккан, жимлик, ҳеч ким гапирмасди ҳам.

         Бўйлари пастак, қоп-қорагина, қора шим, сариқ пальто, қўлида антиқа портифель ушлаган (худди кинолардагидай) бу “африкалик” йигитнинг ташқи кўриниши чиндан ҳам ҳайратланишга, жимликка арзийдиган эди.

         Негадир бу ажнабий йигит бизни бу ҳолатимизга эътибор ҳам бермади. (Ўрагниб кетган бўлса керак).

         Ажнабий эса биринчи гапини қизларга “гап отиш”дан бошлади.

-         Қизлар. Упаларинг бўлса бериб туринглар. Маники тугаб қопти.

Бирданига ҳаммамиз кулгидан ўзимизни тўхтатолмай кула бошладик.

Бизни кулгумизга ҳасад қилди шекелли қўнғироқ бир “пишқириб” дарс бошланганини билдириб қўйди.

Ҳазилкаш бу дўстимиз бизни қаторимизга сингиб кетишни ўша кунданоқ бошлаганди.    

1. Сарлавҳани “Бир қиз. Бир йигит” деб бошлагандим. Ўйлаб кўрсам озгина фикрим қолиб кетяпти.

Менга бугун талабалик давримни эслашга туртки бўлган ижарадошим Алишер акага раҳмат демоқчиман.

Ижарадошларим, туғишгандан яқинларим  — Дилмурод ака, Рустам ака, Абдурахмат, Шоҳраул, Ҳофиз ака (Абдулатиф ака) хуллас ҳамма ҳаммани соғиндим. 

ХХ –аср. Ўша ҳамма биладиган латифа.

Болакай кўчада даста газета билан бақиряпти:

-         Диққат!!! Эълон!!! Синсация!!! 60 киши алданган, 60 киши алданган. Йўловчи ундан газета сотиб оладида пулини тўлаб нари кетади.

Болакай ҳали ҳам ўз иши билан банд. Бақирганча газета сотмоқда.

-         Диққат!!! Эълон!!! Синсация!!! 61 киши алданган, 61 киши алданган.

XXI-аср. Ҳозир алданаётганлар сони миллиард десам лоф бўларку, лекин миллиондан кам эмас.

ХХ–аср. Шу даврда олинган ҳажвий киноларни мириқиб томоша қилиб ўтирсангиз, баъзи бирларида шундай лавҳалар бор.

“Саводсиз” киши газетани қўлига олиб ҳафсала билан варақлайди-да:

-         Ҳа, нимасини ўқийсан буни биттаям расми йўқку бунингни-а? – деб газетани нари суриб қўяди.

XXI-аср.“Зиёли” кишилар газета мутолаа қилатуриб расмлар ичидан маъноли фикрлар қидириб толиқяпти.

ХХ–аср. Шаҳар ва қишлоқлардаги барча янгиликлар, ёш ижодкорларнинг ижод намуналари, буюк адиб ва шоирларнинг шеърлари биринчилардан бўлиб газеталарда чоп этиларди. Қўлма-қўл рўзномалар бир ҳафтада зўрға ўқиб бўлинарди. Баъзида кимлардир улгурмай ҳам қоларди ўқишга. “Тангалик болалар” фильми, Нортой ва Достонларни бир эсга олиб кўринг.

         Устоз Саид Аҳмад ёзганлари ва у киши ҳақидаги хотираларда шундай мисраларни ўқигандим.

-         Ҳей (Палончи) “Муштум” ни бугунгисини ўқидингми. Қалай-а боплабманми? Сен ҳали ҳали бунака ёзишинга анча қовун пишиғи бор бола ...

Ёки,

— Бугун Уйғун домлани (ўз даврининг зўр шоири бўладими, ёш ижодкорнинг ижод намунаси бўладими, ким бўлишидан қатъий назар) янги ёзганлари чиқипти кўрдингларми. Табриклаш эсдан чиқмадими?

Барча мухлислар қатори ижодкорларнинг ўзлари ҳам рўзноманинг янги сони босилиб чиқишини кутишаркан. Саҳарлаб бир-бирларига телефон қилиб “суюнчи” олиш. Ютуқларини мақташ айрим камчиликлар ҳақида маслаҳатлар бериш урф бўлган экан ўша пайтда.

XXI-аср. Ҳамма (деярли) барча рўзномаларнинг биринчи саҳифасини санъат юлудузлари безатиб туришади.

2- бетда. Интернетдан тайёр кўчириб қўйилган ёки аниқ бир манбага эга бўлмаган олди қочди янгиликлар.

3-бетда. Ишқий ҳиссиётлар дарёсидан суғириб олинган ишқ дарди.

4-бетда. Қўни қўшни, қайнона-келин ўртасида келишмовчиликдан парча.

5-бетда. Ўтмишидан афсусланаётган ўсмир қиз, ўтмишидаги салбий одатларидан қутулолмаётган йигитчанинг ҳасрати (Уларда ўтмиш бўлса агар)

6-бетда албатта бадбахт ота ёки “фаришта она” ҳақида ёзилган бўлади. Қизиқ ҳаётимизда бахтли ибратли оилалар йўқмикан деб ўйлаб қоламан баъзида.

7-14 бетларда. Дедектив+ишқий кечинмалар ҳақидаги қисса ёритилади.

         Нимага шу асарлар асосида ҳеч кино олишмасикин?

         Тасаввур қилиб бўлмайдиган нарсларни ҳам кино қилса бўлса керак????

Сўнги саҳифалардан фойдали маслаҳатлар ва мунажжимлар башорати ўрин олган.

         Фойдали маслаҳатларда берилган таом рецепти асосида таом таёрламоқчи бўлсангиз рецептдаги қайсидир масаллиқ анқонинг уруғи. Топдик ҳам дейлик, тайёр бўлган маҳсулот ҳақида… Отдан эгари қиммат деб шунга айтишса керакда.

Ҳа айтгандай бир газетада ўқиганим фойдали маслаҳатни деярли айнан келтирмоқчиман:

         Оёқ терлаши муаммосидан халос бўлишни хохласангиз, ҳар куни оёқ киймингизни кийишдан олдин уни шамоллатинг, кейин газета варақларидан оёқ кийими патаги тайёрлаб уни қўйиб оёк кийим кийсангиз оёғингиз терлаши муаммосидан қутуласиз.

Газетадан тайёрланган патакларни ҳар куни алмаштиришни маслаҳат берамиз

Мен шу мақолани ўқигунимча ҳар бир ёзувчи, журналистнинг ҳар бир асари, мақоласи унга фарзанддек ширин бўлса керак деб ўйлардим. Газета саҳифасида бу мақолани кўрганимдан кейин газеталарда мақола, шеърлар билан қатнашишдан ҳам чўчиб қолдим.

Мунажжимлар башоратида худди Сиз ҳақингизда ёзишгандекми а?

Эътибор берсангиз мунажжимлар башорати 5-6 сонда, агар оператор ҳафсала қилган бўлса бурж номлари ўзгариб ёки айнан қайтарилади. (Менда шундай газеталардан 2-3 та бор солиштириб кўрсам ҳамаси бир хил)

ХХ–аср.Газета ўқийдиган зиёлилар нима ўқишни билишарди.

ХХI–аср.Газета ўқиётган зиёлилар нима ўқишганини билишмаяпти.

ХХ–аср.Газета зарур бўлгани учун чиқарди.

ХХI–аср.Газета адад учун нашр қилиняпти.

“Обуна-2014” да қайси газетага обуна бўлсам экан?

(Мен юқоридаги фикрларим билан барча рўзномаларга бирдай баҳо бермоқчи эмасман. 100 йиллиб давомида ўз савияси ва мавқени юқотмай келаётган, ўз нуфузига эга газеларимиз талайгина. Фақат Рўзнома дўконларида сотилаётган кўнгилочар газеталарнинг деярли барчаси шу қолипдаги ажаблантиради. Соддароқ қилиб айтадиган бўлсам ўзидан зериктиради.)

                                               Қувончбек Каримов

Chust madaniyati eng birinchi o’rganilib fanga kiritilgan Chust davri yodgorliklarining Farg’ona vodiysidan topilgan xarobalari tarixiy -arxeologik va xronologiya jihatidan so’nggi bronza (jez) davriga mansubdir.     

Chust yodgorligi asosan eradan avvalgi ikkinchi ming yillikning oxiri — birinchi ming yillikning birinchi yarmiga to’g’ri keladi. Bu manzilgohlar ichida eng mashhuri va yaxshi o’rganilgani Chust makonidir. Bu yodgorlik Chust shahridan ikki kilometr shimolda, G’ovasoy sohilida joylashgan ko’hna tepalik, ya'ni ko’hna kent, qishloq xarobasidir. Xalq tilida Buonamozor nomi bilan yuritiladi. Bu yodgorlikdan qazishmalar vaqtida 80 ta chuqur o’ra-omborlar ochildi va arxeologiya fani uchun g’oyatda qimmatli ma'lumotlar qo’lga kiritildi. Buonamozor yodgorligining yoshi miloddan avvalgi X-VIII asrlarga to’g’ri keladi, degan xulosaga kelindi.

Buonamozor aholisi ibtidoiy jamoa tuzumida yashagan, bu davrda erkaklar og’ir yumushlarni bajarganlar, ayollar esa jamoada katta rol o’ynab, jamoani boshharganlar.   Buonamozor manzilgohining topilishi va o’rganilishi jarayonida  Farg’ona vodiysida, shu jumladan, Namangan vohasida bundan 2800-3000 yil avval ota-bobolarimiz tog’ oldi zonalarida soylar sohilida va buloqlar atrofida ilk bor sug’orma dehqonchilik bilan shuq’ullanganliklari ma'lum bo’ldi.

       Buonamozorda olib borilgan uzoq yillik tekshirishlar natijasida Chust madaniyatining kelib chiqishi bilan bog’liq bo’lgan masalaga aniqlik ki-ritildi. Ilgarilari bu madaniyatning kelib chiqishini Eron, Afg’oniston territoriyalaridan kelgan aholi faoliyati bilan bog’lashar edi.

Endilikda uning izlari qo’shni territoriyalarda yashagan aholi, xususan, Janubiy Turkmanistonning ta'sirini inkor etmagan holda mahalliy aholi xo’jalik faoliyati zaminida shakllanganligiga va rivojlanganligiga ishonch xosil qilindi. Dar haqiqat, Chust madaniyati shakllanayotgan davrda O’rta Osiyoda katta ijtimoiy-iqtisodiy o’zgarishlar ro’y berdi. Arxeolog va antropolog olimlarning kuzatishlari natijasida, bu o’zgarishlar O’rta Osiyoni shimol tomondan kelgan ko’chmanchi charvodor andron (miloddan avvalgi II ming yillikda Yenisey bilan Ural daryolari oralig’ida tarqalgan) yorub (II ming yillik oxiri-I ming yillik boshlarida Volga va Don daryolari havzasida tarqalgan) madaniyatlari qabilalari bilan bog’liq ekan.       Mazkur qabilalar mahalliy aholi bilan aralashib, O’rta Osiyoning shimoliy zonasi, shu tariqa, «chorva maydonlari»ga aylanib ketgach, yangi yaylovlarni qidirish maqsadida bu ko’chmanchi chorvador kabilalarning bir qismi janub tomonga yo’l olgan. Qolganlari esa tog’oldi etaklaridagi buloq bo’ylarida, daryo sohillaridagi pastkam, sug’orilishi oson joylarda dehqonchilik qilishga o’ta boshlaganlar. Shunday qilib, miloddan avvalgi I ming yillik atrofida O’rta Osiyoning shimoliy va sharqiy territoriyalarida alohida vohalardan iborat qadimgi dehqonchilik markazlari paydo bo’ladi.Bu manzilgoh egalari paxsadan qurilgan uylarda va chayla tipidagi kulbalarda yashaganlar. Shuningdek, devorlari paxsadan bir nechta tor xonalar va g’isht terilgan ba'zi qo’rg’onlar ham aniqlandi. Buonamozordagi ajdodlarimiz asosan yerto’la tipidagi uylarda yashaganlar. Bu davrda vujudga kelgan yirik manzilgohlar Koson, Axsikent va Zarafshon vodiysidagi Afrosiyob shahar manzilgohlaridir.     Bibionaning suvi shifobaxsh. Ko’plab ko’zi og’riganlar shifo topadi,necha-necha farzand talab kishilar oilalar beshikli bo’lib ketishgan. Ixlos bilan tiniq suvning sokin tubiga termilsangiz, yuragingiz yorishib ketadi, no-xush o’ylar sizni tark etadi, ruhingiz qush qanotiday yengillab qoladi, deydi bu yerda yashaydigan insonlar. Oyna misol shaffof suvning osti sumalakday qaynagani qaynagan. Qum yuzidagi qoramtir hoshiyalar ming xil shakl chizadi. Aytishlaricha, eng pokdil, halol, toza insonlarga sirli yozuvlar ham ko’rinar emish.

        Кейинги 100 йилликда инсоннинг онги, шуури шу даражада тараққий топиб кетдики буни сўнги минг йиллик билан таққослаш қийин.

          Шу ўтган давр мобайнида деярли ҳамма нарса ўзгарди табиат, давлат бошқаруви, экология ва ҳоказолар. Фақат бир хилқат “ҳазрати инсон” ўзгармади у рисоладагидай доимгидай тақдир чизган чизиқдан оғишмай юришда давом этиб боряпи.

       Баъзида ҳаётимизда кутилмаган ходисалар кузатилса “тақдир” экан, деб ўзимизни овутамиз. Тушкунлик холатларимизда эса “тақдиримиз ўз қўлимизда, ҳали ҳаммаси олдинда” деган хаёллар билан банд бўламиз.

         Баъзида эса ўйлаб қоламан, тақдиримиз ўз қўлимиздами?     Ҳақиқатда тақдирмиз ўз қўлимизда эмасдек. Бизнинг ким бўлишимиз, қандай фикр қандай характердаги шахс бўлишмиз яшаётган муҳитимиз, атрофимиздаги яқинларимиз билан ҳам чамбарчарс боғлиқ, токи “инсон” бўлгунимизча тақдиримиз битиклари ёзилади ва ва уни давом эттирамиз холос.     Шундай экан биз “катталар” эртамизнинг умиди, келажагимиз эгалари фарзандларимиз тақдирини ўзимиз хохламагандек белгилаб бошқа бир ғайритабиий ҳаётда яшашга “маҳкум” қилиб қўймаяпмизми?      Бугунги кунда фарзандларимиз нима билан овуниб кун ўтказишяпти қайси ўйинлар, қайси фильмлар, қайси мусиқаларга “мухлислик” қилишмоқда.     Техника замонасида яшаётган хар бир замондошимизга техникавий ютуқлар кундалик бир янгилик сарасида қабул қилинидиган бир даврда миттигина қўл телефони орқали ер юзининг бошқа бир бурчагидаги яқинимиз билан видеомулоқотда бўлиш, сониялар ичида хабарлар алмашиш, дунё янгиликлари кафтимизда эканлиги, инсон қодир бўлмаган амаллар “жонли темирлар” томонидан содда вазифа сифатида бажарилаётганлиги ва бошқа шу каби ходисаларга ҳозирда оддийгина бир тасодиф сифатида қараяпмиз..       Шундай тасодифлар қаторини янада давом эттириш мумкин, телевизорда сериал намойиш этилаётган каналдан хабарлар ёки илмий оммабоп фильм намойиш этилаётган каналга “пульт”ни йўналтириш тасодиф, ДВД дискларингиз жавонидан “тарбиявий” деса бўладиган дискни топиш тасодиф, ота-оналарнинг фарзандлари мутолааси учун китоб харид қилишлари…. Кечирасизу бундай “тасодиф”ларни яна кўп давом эттириш мумкин.         Яна бир биз тасодифга ҳам, оддий воқеликга ҳам киритолмайдиган яна бир “жараён” борки бу болаларнинг компютер уйинларига бўлган чексиз қизиқиши, “замонавийлик” либосига ўраниб олганликларидир.          Биз тушунмайдиган “клавишалар” орқали фарзандимиз ўйин қаҳрамонини бошқаришига қараб фахрланамиз. Лекин кўпчилигимиз у қандай ўйин асоси, мақсади нима эканлигига қизиқамизми.      Даҳшат, жаҳолат, ёвузликка асосланган ўйинларни ўйинку, фарзандим қизиқяпти нима қиларди? Компютерни ўргансин каби важлар билан баъзида ўзимиз “совға” қиляпмиз фарзандимизга.       Қурол кўтариб юриш, одам ҳаётига чек қўйиш бу оддий ҳол бўлиб қабул қилинадиган ўйинлар, даҳшатли кўринишлар булар меҳр деган муқаддас туйғуга чек қўядиган омиллар эмасмикан.     Ота-онаси эҳтиёжи учун ажратган маблағдан орттириб ўйинларга сарфлаётган болаларни кунда кўриб турамиз!!!      Лекин шу пулга китоб дўконидан китоб сотиб оладиган болалар сони саноқли.     Мурғак қалб эгаси билан суҳбалашиб қоласан ва беихтиёр суриштира бошлайсан шу ўйинни охири нима билан тугайди?              — Терорчиларни ўлдириб балл тўплайман. Кейинги босқичга янги қуроллар сотиб оламан. Ўйин охирида мени “армиям” бўлади.     Ўзи тушуниб-тушунмай аятаёган терор, армия каби сўзларини замирида қандай маъно яширинлигини ўзизимизча таҳлил қилиб кўрайликчи!!!       Демак ҳозирги ёшларимиз ўйинда балл тўплаш учун одам ўлдиряпти, кечирасизу шу руҳда тарбия топяптими?! У эртага турмуш қийинчилигини бошидан ўтказаётганида қайсидир қўл узатган арзимас чақага яқинларини сотишга тайёр дегани эмасми?      Унинг ўйинда тўплаган армияси маҳсули нима билан тугайди? Келгусида ўзига ўхшаган шериклари билан тил топишиб “зўравонлар тўдаси” ўзини тилида “зўравонлар армияси”ни тузиш биланми. Реал ҳаётдан анчагина узоқ бўлган бундай ҳолатлар боланинг онгига сингиб бормаяптими?            Яқиндагина бир воқеликнинг гувоҳи бўлдим.           Йўлда кетаяман олдимда мактабдан қайтаётган ёш болалар. Беихтиёр уларнинг нима ҳақида гап сухбатлашаётганлигига гувоҳ бўлиб қолдим.          — Ман бугун “Вампир” ни 3 сини тугатдим. Битта шаҳарни қириб ташладим. Бугун янги «sity» га ўтаман.           — Комил, манда унданам янгиси бор қуроллар кўп, “очкони” зўр йиғяпманда…     Болаларнинг ҳаётига бу тушунчлар шунақанги тез кириб боряптики биз буни илғамай ҳам қоляпмиз баъзида.        Ҳозирда биз ўз қўлимиз билан совға қилган мобиль телефон, компютерларнинг имкониятлари у қанчалик замонавий бўлмасин бизни, нафақат бизни фарзндаларимизни ҳа қониқтирмай қўймоқда ва чексиз интернет тармоғига мурожаат қиляпмиз.    Ачинарли бир савол пайдо бўлади яна, биз шу имкониятларни тўғри мақсадда ёки тўғри йўналишда сарфлаяпмизми?       Қўрқмасдан йўқ деб баралла айта оламиз ва бунга сабаб ҳам етарлича топилади. Ишонмасангиз бугуноқ бирор бир ҳоҳлаган “Интернет кафе”га кириб кўринг камида 10 та компютер билан жиҳозланган комютерларнинг нечтасида илмий, фанга бағилшанган ёки шу йўналишдаги сайтларни кўрасизу, ёшларнинг нечтаси ижтимой тармоқлардаги мулоқот, ўйинлар ва шунга ўхшаш машғулот билан банд бўлишяпти.     Бугун бу мавзу керагича ёзилди ёритилди. Фақат бир ачинарли ҳолат натижа кўринмаяпти ҳамон ҳамма ўша оқимда сузиб бормоқда. Жигарбандимизни ўзимиз маънавий заҳарлаяпмиз. Эртага кеч бўлиб қолмасмикин “суяги қотиб бўлган” ўспирин йигит шу муҳитдан қутилиб бизни насиҳатларимизга қулоқ тутишига ақлингиз етадими.Қувончбек Каримов